آنے والے دنوں میں سرمایہ کاری میں قابل ذکر اضافہ ہونے کی تو قع :جیٹلی

گاندھی نگر، 12؍جنوری(آئی این ایس انڈیا )
گھریلو معیشت کو مضبو طی فراہم کرنے کے لئے کئے گئے اقدامات کے پیش نظر وزیر خزانہ ارون جیٹلی نے آج کہا کہ آنے والے دنوں میں سرمایہ کاری میں قابل ذکر اضافہ ہو نے کا امکان ہے ۔انہوں نے یہاں جاری وائبر نٹ گجرات کانفرنس کے موقع پر کہاکہ حکومت نے گزشتہ چند مہینوں میں کئی اقدامات کئے ہیں اور ہندستان کے بارے میں لو گو ں کی رائے بہت مثبت ہے۔مجھے امید ہے کہ



اگلے چند دنوں میں سرمایہ کاری میں قابل ذکر اضافہ ہوگا۔انہوں نے کہا کہ حکومت کی ترجیح بنیادی ڈھانچے پر مزید خرچ کرنا اور مینوفیکچرنگ میں اخراجات کی حوصلہ افزائی کرنا ہو گی تاکہ شرح نمو کو فروغ ملے اورنسبتاََزیادہ روزگارکے مو اقع پیدا کئے جا سکیں ۔انہوں نے کہا کہ ملک بھر میں سروس ٹیکس (جی ایس ٹی )اگلے سال تک نافذکیا جائے گا۔حکومت نے گزشتہ ماہ پارلیمنٹ کے سرمائی اجلاس میں جی ایس ٹی بل پیش کیا تھا ۔